Peter Lijualikali ahukumiwa Miezi sita!,Kuhusu kugombea je?......

Mahakama ya Wilaya ya Kilombero imemuhukumu kifungo cha nje cha miezi sita aliye kuwa Diwani wa Kata ya Ifakara ambae ni mgombea Ubunge kwa Tiketi ya Chadema Bwana Peter Lijualikali baada ya kupatikana na kosa la kutumia lugha ya matusi na kutishia kuua kwa maneno.

Hukumu hiyo imetolewa Mahakamani hapo na Hakimu Bigilwa Nyakato ambapo ameeleza kuwa Lijualikali ametenda makosa hayo mnamo Novemba 26 mwaka 2014 dhidi ya aliyekuwa Afisa Mtendaji wa Kata ya Ifakara Akrey Muhenga.

Hakimu Nyakato amesema kuwa ametoa adhabu hiyo kwa mujibu wa sheria na kuwa Mtuhumiwa ndio kosa lake la kwanza kufikishwa Mahakamani na kumpa onyo akajifunze upya kuishi na jamii na asipatikane na kosa lolote la jinai akifanya hivyo ndani ya miezi hiyo adhabu kali atapewa zaidi ya hiyo.

Hata hivyo Hukumu hiyo imetolewa bila ya mtuhumiwa kufikishwa Mahakamani hapo

kutokana na hukumu hiyo mgombea huyo wa nafasi ya ubunge kwa tiketi ya chadema katika jimbo la kilombero anaendelea na kampeni zake kuelekea uchaguzi mkuu mwezi oktoba

Ungana na mimi kupitia Facebook , Twitter na Instagram Pia subscribe Youtube ili uwe wa kwanza kupata habari mpya.

Keneth Ngamoga

Keneth Ngamoga ni mtangazaji wa radio Pambazuko iliyopo Ifakara.Huwa akisikika katika vipindi tofauti vya burudani.Kwa msaada na ushauri Wasiliana na Keneth Ngamoga Kupitia namba
+255655632798