Diamond ni nembo ya taifa kwa sasa- Prof Jay

Msanii wa Hip hop Tanzania na Mbunge wa jimbo la mikumi, Proffesor Jay amefunguka na kusema kuwa kwa muziki wa Tanzania hivi sasa, Msanii Diamond Platnumz ni kama lulu ya muziki huo kwani amekuwa kama nembo ya taifa kwenye muziki.

Msanii Prof Jay

Professor Jay amesema haya kwenye kipindi cha Planet Bongo ya EATV na kudai kuwa msanii huyo amekuwa akijitahidi sana kutangaza muziki wetu ili ufike mbele zaidi hivyo yeye anamuona kama ni nembo ya Taifa, kwani atakapokuwepo anawakilisha Tanzania na muziki wa bongo fleva.

"Kwa sasa Diamond Platnumz ni kama lulu au nembo ya taifa, unajua sisi wote lengo letu kuona muziki wetu unafika mbele zaidi lakini Diamond Platnumz tayari ametangulia hivyo anapokuwepo ni alama ya taifa, na anafanya muziki wetu kuzidi kusogea mbele zaidi" alisema Professor Jay

Mbali na hilo Professor Jay anasema kuwa mpka sasa video ya wimbo mpya wa Diamond Platnuzm 'Kidogo' ni video bora kwake kutokana na ubora wa video hiyo na muonekano mzuri wa video hiyo.

Ungana na mimi kupitia Facebook , Twitter na Instagram Pia subscribe Youtube ili uwe wa kwanza kupata habari mpya.

Keneth Ngamoga

Keneth Ngamoga ni mtangazaji wa radio Pambazuko iliyopo Ifakara.Huwa akisikika katika vipindi tofauti vya burudani.Kwa msaada na ushauri Wasiliana na Keneth Ngamoga Kupitia namba
+255655632798