Msanii Diamond Platnumz amefunguka na kusema kuwa zamani kabla ya yeye kutoka kwenye muziki wasanii wa kuchana walikuwa na thamani kubwa na walikuwa wanafanya vizuri kwenye mauzo ya kazi zao ndiyo maana hata yeye alihamasika kufanya muziki huo.
Msanii Diamond Platnumz akiwa studio za East Africa Radio.
Diamond Platnumz alisema haya kwenye kipindi cha Planet bongo ya East Africa Radio na kudai kuwa aliamua yeye kuchana sababu alikuwa akiona namna watu wanavyonufaika na kutengeneza maisha kupitia muziki huo.
"Unajua kabla sijatoka muziki wa Hip hop ulikuwa na thamani sana na wasanii wake walikuwa wanafanya vizuri zaidi kwenye mauzo ya kazi zao, hivyo hata mimi nilikuwa natamani mafanikio hayo ndiyo maana niliamua kuchana, ila sema baadaye mambo yakaja kubadilika ndiyo maana nikaamua kuingia upande wa pili" alisema Diamond Platnumz.
Mbali na hilo Diamond Platnumz anasema aliwahi kufanya kazi na msanii Mr Blue pamoja na marehemu Albert Mangwea ambazo yeye alikuwa amechana lakini baada ya kutoa wimbo wake wa 'Nenda kamwambie' na kuweza kufanya vizuri zile kazi alizokuwa amerekodi akiwa amechana ndiyo zilikufa hapo kwani hakutaka kuzitoa akihofia watu kuona anarudi nyuma katika hatua alizokuwa amepiga tayari.
0 comments:
Post a Comment